NAZARET ISUA A KAL A NI

(Luka 18:37) 'Engvangin nge mipuite chu' tih hla kha a ni. Kum 1863-64 khan New Jersey bialah harhna ropui tak a thleng a, Thu hrilhtu R.G. Pardee-a'n thu a sawi a, a thupui chu 'NAZARET ISUA A KAL A NI' tih hi a ni. Ngaithlatute rilru chu a zawihmin der a, chu sermon chuan an rilru a khawih ta hle a, an zing a mi Nula Emma Cambell-i chuan he hla chuai tawh ngailo tur hi a lo phuah phah ta a ni. Vawikhat chu Sipai Pakhat zan len chhuah phalna pek a ni a, hlawh tlem an pe bawk a, A nupui hlawh laksakin Inkhelhna (Gambling House) a pan a, Talbooth Biak Inah inkhawmna an lo nei a, he sipai hi zaimi a ni a, hla pakhat chauh ngaihthlak tumin a lut ve ta a, DL. MOODY-a'n 'THISEN THU' a lo sawi lai a ni a, sermon chu a tawp ta a, he hla hi an han sata a, ' A TLAI LU TA, A TLAI LU TA' tih lai chuan a thinglung chu a sawinghing tlat mai a ni. Inkhelhna hmuna kal ta lo chuan a haw ta a, hmel pangngai pu-a harh tak a lo haw ta mai a Nupui-in a hmu chu mak a ti ta em em mai a. A ni lah chuan a pawisa ken chu dawhkanah a dah a. Han muhil mai thei rual a nilo. ISUA tawk tura inpeih a ngai si a, ' A tlai lu ta, a tlai luta,' tih chu a bengah a cham reng mai si a, Johana 3:16 chu fiah takin a thinlungah a lo lang ta a. Chu mi ni atang chuan Isua Krista neitu a lo nita a ni. Pu Moody-a leh Pu Sankey-a te khan rawngbawlnaah he hla hi an sa ngun hle a, pakhata a sermona pakhat a zai bawk a, mipuite rilruah hei hi a lang thin. "Elisa chuan thil lo awm tur a sawi hmain tingtang tum thiam an ko hmasa a, tin, sipai rualte chu rimawiin a awih hnu chuan Lalpa kut chu a chungah a awmta a" ( ll Lalte 3:15) tih ang deuh khan rawng an bawl a, "Engvangin nge mipuite chu, Hmanhmawh takin an lo kal khawm, kawtthlerah leh daiahte pawh Chhiar senloh unauten an zui" Lal Isua mipui ten an zui a, an thlarau damna an hmu ang khan he mite thian dun pawh hi chutiang khawp chuan mipuiin a bawma chhandamna lawmawm tak an neih phah thin a ni. Roby Chapel-a Youngmen's Menting-a thawk tleirawl pakhat chuan heti hian a sawi a, Pu Sankey-a'n he hla a sak lai tak ' a tlai lu ta' a tih lai tak hian Isua neilo te tan inchhir a sawt tawh dawn silo va, tih thu chu a thinlungah a cham ta a, ka thinglung chhungril berah AMAH chu ka la lut ta a ni' tiin a sawi. Edinburgh-a Pu Moody-a te rawngbawl laiin, putar kum 70 ni ngei tawh tur hi a thingthi a, naupang tah takin a tap ta hawm hawm mai a. 'Nizan thleng khan ka thlarau tan ka lo fimkhur lo em a ni. ka thlaphang si a, ka muhil theilo a ni. 'NAZARET ISUA' a kal a ni tih hi ka rilruah a reh thei silo. Tunah chhandam ka nih loh chuan chhandam ka ni ngai tawh dawn lo a ni si a" a ti hlawl mai a ni. Heng hla tha tak te hian hna a thawh a mitam tak Krista neilo tuten an hlasak ri an hriat avangin isua an lo nei fo thin a ni. Kan tan PATHIANIN Huntha min pe a, Thuhriltuten thu an sawi a, kan awih tha duh lo a, kan hma hun tur kan sawi theilo Engtikah nge i thih dawn?? Kan thlarau tan hian kan fimkhur chiah em?? A nilo lama peng thin kan nih pawn Pathianin hun tha min pek lai hian i pan ang u! I tan a HUN RUAT kha i bawh pelh palh a nge.. Mn sawm lai hian i pan vat ang u.. "Inpeih lote inpeih a hun, Sual tihchah pawh a hun ta a; Kan tan khua a lo tlai hma hian, Hnung lam paiha hma lam umin; Tawngtai leh PIANTHAR a hun ta, 'NZARET ISUA A KAL LAI HIAN'"...

A VAN ROPUI TAK EM!

Thu leh hla thiam tak tak ten siamtu ropui zia an lo ziak kûr dup a, Sap hla ropui ka tih ém ém,"The flowers the sunset the trees," tih hla Jim reevesa'n a rawn sa luah luah mai a, a aw nalh mai piahlamah a thu ropui tak mai chu mi khûk lai a khu ve loin ka'n phûl hluaia, ka'n tui tlaikhawhnu ve leh a. He hla phuahtu hian a phuah ropui ka ti thin Rose kuhmum mawi tak mai leh rimtui ém ém mai te chu lei mihringte siam a ni mailo, hetiang siam tur hian mihringin finna a neilo a, Pathianin duhtaka a siam a ropuizia puannan a hman thu a rawn sawi a, Mizo thu leh hla thiamten Fartuah leh Vau an lo chham kûrdup ang deuh hian Sap ram thin hmingthang a'n rawn phawrh a, tihian a sawi zel a, Dodwood, Woak, Willow tree ten a siamtu fakin parfung an rawn chhuah a, a par velah te chuan rannung chi hrang hrang an thlawk nauh nauh a, Dogwood tree phei chu Isua khehnbeh nana hman a ni a, Krawsa a tuar lai min hriattir e a ti a(Dogwood hi Sidar kan tih nen hian thuhmun a nih hmel) thilsiam rawng chi hrang hranga chei mawite chu a thlir kual zel a, Kan Pathian chauhlo chuan tudang mahin an siam theilo,' Each page in the Bible is true," a ti hial rêng a ni. A hmuhhmaih hauhloh chu thingkung ropui leh pangpar chi hrang hrang ten siamtu an fak a, chumai a nilo, Ni tla tur a rawn êng sen no ruih mai a, a zung inthen phak maite chuan tlângpang te a rawn chhun no nghalh maite chu a hmuhhmaih lova, siamtu hi a van ropui tak em! a ti tawl mai. Tunlai chhanah chuan hmakhwsâng a ni tawh ang. Scientist ropui Lal Davida khan fiah tak leh chiang takin kan Holly Bible ah hian alo tial chhuai tawh bawk a, Asi tam chin a chhiar a; an hming a vuah theuh hlawm a(sam 147-4) Tuifinriat chhunga awmte , leihnuaia awm chite thingler a awmte chu a rawn sawi dan dan a, chu mai chu a nilo, vân lam boruak zaupui maiah chuan Arsi chhiarsen loh tam tak an awm a, heng te hi Lal Divida khan a hmu a,'ka haúin' a thlir ka ring. I vân, i kutchhuakte, Thla leh arsi i ruathote khi, ka ngaihtuah châng chuan, Mihring hi eng nge maw a niha, i hriat reng thin ni? Mihring fapa pawh hi eng enge maw a niha, i kan thin ni? Ka ti thin(sam 8:3,4)" a ti hial a nih kha. Davida chuan a hrefiah em a, 'Finnain i siam vek a ni. Leilung hi i hausaknain a khat a nih hi' a ti a. Sam 140+ kan chhiar chhoh zel chuan thilsiam chi hrang hrang tawng theilo tlângte leh thla leh arsi zawng zawngte hnenah chuan,'Lalpa chu fak rawh u' a ti mawlh mawlh mai a ni.. Philosopher ropui Joba leh a thian pathumte leh Solomonate, Davida te hian Pathian finzia leh ropuizia chu an chelhlo hle a, mak an ti zawk a ni. Pathianin Joba hnenah thawngaleivir hmanga, a biak khan zawhna khirhkhân lutuk a zawh khan tihvak ngaihna a hrelo 'ka kâ ka hup mai a ni' a ti hmiah mai a ni. Lal ropui Solomona meuh pawh ram tuktinpar pakhat tluk pawh hian cheiin a awmlo a ti hial a ni. Chunglêng sava ten buh an tuh lo a, an ât hek lo an seng bawklo Pathianin a chawm vek si te hi! A ropui mange. Pathian remruat leh a thiltih a hmuh khan Davida chuan,'A sâng êm a ka phak lo a ni,' a ti leh tawl mai a ni.. Siamtu hi a van ropui tak em! Ka'n zeptel leh duh hram chu a thilsiam zinga mak dangdai tak pakhat chu Leviathan hi a ni Joba 41-ah chipchiar takin a rawn sawi a, a chungah kutthlak tum teh i beihdan tur ngaihtuah rawh i ti leh tawh ngai lovang! a ti leh hmiaha, thîrte chu buhpâwl ang lek ah a ngai a, a mitte chu khawfîngchat ang rû mai a ni. A rapthla fu ang. Davida chuan," sawtah sawn Lawnpuite a kal saw, sawtah sawn Leviathan a awm, a chhunga inkhêl tura i siam chu," a ti a. Zawlnei Isaia chuan Dragon ang mai a nih thu a sawi a. Scientist te hian anla prove hauhlo, kan Bible ah hian an la prove loh sawitur tam tak a awm, Vision nei pakhat chuan Leviathan hi a hmu a, khawvel tawp dawna rawn la chhuak tur niin a sawi a, tribulation hunah te chuan ala rawn chhuak mahna.. Geologist- ten leilung leh a chhunga thil an zir a, Pathian ropuizia an hmuchhuak zel a, chutiang bawkin, Archeologist/Historian ten thil hlui chanchin an chhuinaah Siamtu thilduan ropui tak hi an la hriat belh zel a ni. Lalpa thingte chu a tlai thin, Lebanon tlanga sidar thing a phunate chu. Chutah chuan savaten bu an chhep thin. Vacha erawh chu fâr thingte chu a in a ni. Tlângsangte chu Sathâr tân a ni a, Lungpuite chu zazupui tan inhumhimna a ni(Sam 104:16-18) he lai thu te hi a van ropui tak em! Sathârte hi khâmpânga khawsa tura din an ni bawk a, "khâmah an zuangthla a, pûkah an in binlût zak zak thei e," an tih chu! Thingzung thlâr phena zûva chettlatna hmuh chang te hian Siamtu ropuizia ka hre chhuak thin. Rome 8:28 ah chuan thilsiam zawng zawngte Vanramah an luh tur thu kan hmu a, a ropui ber Mihringte hi kan lût kim ve ang em? tih hi ngaituah mai mai ta ila. "Lêntupui leh tukram phûllên fan chângin,Sîrva zaimawiten sâng thingtin awi e, Khua chuan ila tlângsâng tinreng atangin, damte'n luange, lui leh thlifim nuam te".. PATHIAN HI A VAN ROPUI TAK EM!

CHHUANLAM TUR AN NEI LO

He khawvel kan khualzin chhung hian kawng emkimah hian chhuanlam nawi tê tê hi kan pai fur a, Pathian engkim titheia hnena inpe mai tur pawn chhuanlam chhetê chu kan la nei fo a ni.. Mihring dinhmun leh khawvel pian ken a ni tlat a ni. Evi leh Adam a hunlai a tanga tawhin suahsualna chuan mihring nun a luah khat tlat a ni. Tumah thil tha ti rêng an awm lo, a tih kha kan hun hman mêk hi a ni si a . Thiltih lohtur an ti a, Adama chuan chhuanlam neiin A nupui chu a puh a, Evi lahin Rûl kha a'n puh ve leh a. Mahse, Pathian rorêlna chu engmahin a dâl zo lo, frank takin a nih angtur chu a ninghal pawrh mai a ni.. Kha hremna tenau khan khawvel chu min tuam mêk a, Natna hrang hrang tawrhna ten min tuam vêl a nih hi.. He thil thleng hian chatuana rorelna chhuanlam rêngin awmzia a awm tawh lohna hmun Meildîl chu a rawn inhaihawng nghal a ni.. Mihring fate chu sualna chuan min chimpilin khawvel a luahkhat a, kan tawngkam leh thusawite pawh ânchhe lawhna leh thu khâin a khat zo ta a, mite elrêlna leh itsiknain kan lo khat ta a ni.. Dawhtheihna zawng zawng kan tlachham zo a, Mahse Lalpa thu chu tlang takin a kal tho a," Chavangin, aw mihring, mi sawisêltu, tu pawh ni mah la, CHHUANLAM RÊNG I NEI LO VE; mi dang i sawiselna ngeiah chuan nangmah leh nangmah thiam loh inchantir i ni a sin; nang, sawisêltu pawhin chutiang thilte i ti ve thin si a (Rom 2: 1) a sawizelnaah chuan Pathian rorêlna i pumpelh tawp lovang.. Ka'n sawi duh chhan chu DAWHTHEIHNA a pawimawh zia ka hmu a, insum hman lêklo va, kan han ripawp mai zel hi Tisa leh Thlarau nun a van vaw chhe tak em! kan thiltihsual chuan min umzui tih ka van hmuchhuak chiang em!! Chutia sualin min fanchhuah takah avang chuan He khawvel rorelna Supreme Court-ah pawh Chhuanlam chhetê avang leh Khawvel(sualna)a nih miau avang chuan a thiam zawk pawn thiamloh a chang fo a,, Pathian rorêlna hunah ve thung chuan, "Mitin an thiltih ang zel a rel sak," kha a ni tawh dawn a, a fair viau thung tawh ang.. A pawimawh ta chu simna nena Pianthar a ni ta. Kan rawngbawlnate hi thinglung pe silo hian rawngbawlnaah thuitak a kal theih si a! A theihzia lo thlir leh ila, khawvei tawp a rorelna hunah chuan a veilama miten CHHUANLAM an la nei fo, " Lalpa, engtikah nge riltamin emaw, tuihâl in emaw, mikualin emaw, saruakin emaw, damlovin emaw, tân inah emaw kan hmuh chia, rawng lan bâwl sak loh che?? He thil hi misual an nilo Rawngbawlna a thuitak lo kal tawh te an ni piangthar silo te, Rawngbawltute Piangtharlo a awm theihzia chu he ta tang hian a van lang chiang em!,"Anchhe dawng te u, KUMKHAW MEI, Dialbola leh a tirkohte tân an buatsaihah chuan min kal bo san rawh u," kha kha a ni mai.. Thinlung petu kan ni em? Keini chu hun tha kan nei a, Hmasânga mite khan keinin hun tha kan nei ang hi an it ve ngawt ang Isua pian hnu a awm kan ni si a... Khang hun a mite khan Chhuanlam tur rêng neilovin Chatuan Hremhmun chu an pan a ni. "A thil hmuh theih loh(a chatuan thiltihtheihna leh a Pathian zia) chu khawvel siam tirh ata fiah taka hmuhin a awm a, thil siamah chuan a lang a ni. Chuvang chuan, CHHUANLAM TUR AN NEI LO (Rom 1: 20). Khâng mite khan Pathian hrelo mahse, a thilsiamah fiah takin alang a, mahse, Milem Pathian biakna chang an hre tho male... Rorelna hnuhnung (Last judgement) hi chu a fair dawn lutuk ringawt tumah an inbum tawh lovang. Keini chuan hun tha kan nei a, ama tan kan inhman loh chuan rorêlna hunah... CHHUANLAM RÊNG KAN NEI THEI LOVANG.. "Mipui sâng tam tak tahna nên, Hremhmun an her liam ang; Mi felte chu an Pa ramah, NI ANGIN AN ÊNG ANG."

TORAH & BIBLE CODE

Tohrah tih hi Hebrai tawng a ni a, Dân Bu Genenesis - Deuteronmy Judate lehkhabu thianghlim bik a ni.. Lal Isuan," Dân thu," tih a sawite leh Paula ten an sawi kha he lehkhabu panga (5) te hi a ni.. BIBLE CODE chu enge a nih? Han sawi kual phawt ta ila. Khawvela mihring ropui tak thiamna finna ropui tak tak neite leh khawvek chawkbuai rup thei khawp a miburu te hi Juda Pa vek zuk nia. Israel Scientist-te thil hmuhchhuah an sawi fo thin chu Bible ziak mai piahlama thu inthup Secret code a lo awm hi bible code chu a ni. Code inphum dan hi, "Equidistant letter Sequences," an ti a. A awmzia chu hawrawp inkar hlat dan in anga, lo awm chu a ni.. A hmuchhuaktu hi astronomy leh mathematics leh Juda chanchin zirtu mithiam chungchuang Rabbi Michael Dov Weissmandl-a a ni a, Indopui 1- hmalam kha a ni. He thil hi Scientist ropui Newton-a'n a tha leh zung senga research a lo beih chiam. A hmuhchhuah hman tak siloh kha a ni. Khang hunlai khan computer khawlte hi lo awm ta se, a hmuchhuak hman ngei ang. He code inphum dan hi etirnan; He Torah ziaktu Mosia hming hi Hebrai letter-ah M awmna hmasa ber atanga tanin O chu hawrawp 7-naah lo awm tase S chu hawrawp 7-na vekah a lo awm anga, chuangtiang a nih loh chuan Code chu a dik thei dawnlo tihna a ni. Juda mifing tak mai kum zabi 18-na laia, Lithuania rama rabbi pakhat, Eliza Solomon-a an tih "The Great One of Vilna" an tih hial mathematician ropui tak mai chuan "Bible bu hmasa panga Torah-ah hian thil engkim awm tawh leh awmmek leh hun tawp thlenga lo la awm turte nen a inkhung vek a ni," a ti a. A dik lo tih ngawt theih a nilo ani. Hemi hun lai vela Juda mifing Rambana chuan Deuteronomy bung 32 atang ringawt hian,"Israelte chanchin zawng zawng a chuang kim vek," a lo ti ve bawk a, intifing ve tak Dan zirtirtu ve tho Abner-a chuan a awih lo lutuk a, Mosia hla atangin Israel chanchin a infunkim i ti mw? a ti el vel a, A nih khawi laiah khan nge keima hming a awm? ti in confi- fahran mai hian a zawt a. Rambana chu bang lehlam hawiin reilote a tawngtai a. Abner-a hnenah chuan, "Deuteronomy 32:26 keu la, chutah chuan hawprawp pathumna dan zelah i hming a lo awm ang," a ti a. Abner- a chuan a keu ta a, thamlo hmel takin a'n chhiar vel a;Mahse, a rin a ang ta lo. "Mihring zinga anmahni hriatrengna ka tibo teh daih ang,' ka ti mai tur" tih laiah berkher chuan hawrawp pathum dan zelah chuan R. Abner tih a lo awm ta sia. A mangang lutuk chu tih danglam dan a awm em? tiin a au ta chul mai a ni. Mizo M.th (Degree) theologiant ka hriat chuan heng Secret code inthup an tih hi a awìhlo, Pathian siam a nitheilo a ti tlat mai pek a,, Israel Scientist-ten an thil hmuh chhuah a dikzia tichian nan USA a journal changkang tak Statistical Science a chhuah tur paper a buatsaih a, computer programme pawh chiktaka chhuiin fiah sela, a diklohna rawn sawisel rawh se' an ti a ni. Chutah Editor Robert Kass-a chuan mithiam bik thlangin a check tira, heng mite hi Bible pawmlotute vek an ni. Adiklohna sawitur an hre tlatlo. Midang a ruai leh a, chumite pawn a diklohna an hre tlatlo. Gennesis ziak atangin Isua thlahtu bul zawng zawng chu an chhut chhuak vek mai a ni. LIBERAL tak tak ten Bible an rin phah a, Juda Rabbi te ngei pawh tamtakin Bible an rin phaha.. Hnial tur an hriat loh khawp a Pathian thudik Proof na a ni a. Lo awihlo ve ngawt kha a fuh ber lovang. Ka sawi kual ta vak a, Torah tlem han sawi zui leh ila, Heng code an chhuinaah hian Hebai tawng Original tur ber a ngaih 'Textus Receptus' an hmang a ni. Heng Dan bu panga(5) te sawina ngei TOHRAH pawh hi Geneisis bul tanna atanga hawrwp 50-na dan zelah a lo chuak a ni. Exodusah pawh hawrawp 50 na danah a lo awm leh a, chutiang zelin, a lo chuang kim vek mai a ni. Heng code inthup te hi Bible Bu pumpuiah a awm vek a, Mak tak mai chu a hunlaia text Original-ah khan code hi a awm ve hauh lo. Bible Bu 66-ah chauh hian code a inthup a awm a.. Roman Catholic leh Greek Catholic kohhranten kan Bible Bu 66-bakah hian Aprocrypha bu 14 lai an dah tel si a. Bu 80 an nei tihna a ni. Ka sawisel hran love. Mahse, Keini Protestant te chuan bu 66 kan neia, heng buah chauh hian code inrem hi a awm si hi a mak viau a ni. A mak hran love, Pathian thawkkhum diklo theilo a nihna a lang chiang viau a ni.. A dang pawh Gensis-ah hian Isua hming a lo inphum a, a tirin Pathian in.. tihlaiah hian YESHUA tih a lo lang nghal a, amak hran lo. Hrillawkna Bu kha a ni miau a ni. A lokallehna thu sawina lam a mi. Daniela hapta ah khan "hriakthiha" tih ah khan YESHUA(Isua) tih a lo lang reng bawk a ni. Atam lutuk a, kan sawi seng lovang. Duh tawh dawn ila, page a zo dawn ta bawk a. Lal Isuan, " Nimahsela, Dan thu chhunhan te tak te a bo ai pawhin lei leh Van leh khawvel boral a awl zawk e,"(Luka 16: 17) he TORAH ngei hi a ni. A thu nung hi pawm ila chatuana awm tur a ni. 'Lei leh Van a ral anga, ka thu erawh chu a ral lovang.. (Mathaia 24:35)... BIBLE thu, hun hnuhnung(Hremhmun) lam pawh nise, kan lo paih riau riau ang tih a van hlauhawm em!