A ROPUINA A LANG ZEL

A ROPUINA A LANG ZEL

Archaelogy( Sulhnu hlui zirna) atang hian Pathian thu Bible hi a chhandamna ngawr ngawr piahah a ngaihnawmin a ropui ka ti thin.. Khawvela hmun hlui ber ti ila kan sawi sual lovang. Mesopotamia(tuna Irag) khu a ni a, BC. 3500-2000 vel bawr kha, an vanglai hun mesopotamian civilisation hun kha a ni an ti a,, India ram pawh hi hlui ve tak mesopotamia nena inlaichinna nei a nia, BC. 3000-2500 hun hi India ramah chuan hun muanawm lai ber,' Indus valley civilisation or Harappan culture,' an ti a, Archeologist-te thil hmuhchhuah atanga an chhût a ni..

Mesopotamian culture kan chhui chuan khawpui ropui tak mai UR chu kum1922 -1934 khan Sir Leonard Woolley-a hote'n an hai chhuak a, heng Archaelogy te hmuh chhuah hian kan Bible chu a nemnghet hle thin a ni. BC. 1960-1830 vel khan he khawpui hi a chhe vek a, kum 3600 hnu lamah an laichhuah tak avangin khawpui hlui a ni tih an hre leh chauh a ni.. He khawpui Ur hi Genesis buah a langa, Mosia-in a ziah hun lai BC.1400 vel bawr pawh khan Abrahama khua sawi nan 'Kaldai ho khua Ur' tih a lo ni reng a ni (Gen 11:28-31; 15:7).. He ta Abrahama awm hun vel hi BC. 2086 vel bawr a ni..

An thil laichhuah takah chuan temple ropui leh hrawl zet mai, a dung ft. 200 a sei, a vang ft. 150, ft. 70 laia sang 'Ziggurat' an tih chu a ni a, Abrahama awm lai chuan Ur chu sakhaw biakna hmun pui a ni a, chu temple pawh chu thla pathin 'Nannar' biakna hmunpui a ni a. Hetih hun hian Babulon-ho chuan pathian tam tak an bia a, Ur khuaah chu thla(moon) pathian 'sin' chu a lal ber a ni.

He khawpui hi Abrahama hnena Pathian thu lo thleng chuan,"I khaw lam ata leh i laichinteho zing ata leh i pa in ata chhuak la, ram ka la entir tur che lamah kal rawh," (Gen. 12:1) tiin a ko a, thuawih takin a kal ta a nih kha.. Thuthlung thar lamah Hebrai 11: 10-ah pawh a rawn lang a ni.. Archaelogist Sir Leonard wolley-a chuan an thil laihchhuah atanga a hmuhchhuah chu..' Abrahama'n Ur khua a chhuahsan hnu kum reilote BC. 1960 vel khan, khawpui chuan chhiatna rapthlak tak a tawnga, an lal hnuhnung ber 'Ib sin-a rorel laiin a chheh vel tlangram atangin hmelmaten an rawn rûn a, a chhungah pawh tumah cheng lovin, thlaler vaivut chuan a khuh pil ta a ni,' a ti a.

Heta tanga thil lang ni a ka hriat chu Pathian hian thil a van rêl thiam em! tih hi a ni.. Gensesis 12: 2,3- kan chhiar chuan Pathianin mal asawm thu kan hmu a, chi ropui takah a siam a, 'nangmah chuan leia hnamtin an thawveng ang,' a ti a.. Abrahama'n khawpui a chhuah lai hian, kum 75 vel a ni an ti a, kum 175 adam a ni. (Gen 25:7). Hun chu ala ngah hle a, Pathian kohna kha chhang lovin kal lo ta se, han awm rei hret se khawpui tihchhiatnaah pawh khan a thi ve thut thei a, a awm rei deuh ang tih chu hlauhawm rem rem tak a ni. a thuawihna pawh a ni ber ang chu, Isua krista thlahtu bulpui a ni a, nangmah chuan hnamtin ala thawveng ang tih a thlen thei nan Isua chuan kan sual zawng zawng min phurh sak ta a ni.. Helai phenah pawh hian zir tur a awm awm e, thuawihna rah te pawh a ni ngei mai... Nang leh keia tan te hian.

Pathian thu Bible hi thunung a thawkkhum a ni tih hi, historical Evidence lamah hriat tur tam tak a awm a, sawi sena nilo zawk a ni.. Geologist leh Archaelogist-ten an thil hmuhleh chhui chhuah atangin Pathian ropuizia hahîpin an sawi a, chutih rual chuan an zingah liberal theology ngaihdan nei tam tak an awm a, A thawkkhum nilo mihring kut chhuak a ni a, tiin ngaihdan nei an awm a, kan theologiant-te zingah pawh iberal deuh deu an rawn awm ta zel a nih hi! Histrory, thui tak tak te pawh kan Bible hian a sawi dik zia an hre zel a, kan hriat phakloh khawpa thil ruahmantu Pathian ropuizia hi hmuhmaih lo hram ang u.

Archaelogist-te chuan Lal nunrawng tak nausen suattu Heroda thlante pawh kum 2007 khan an hmu chhuak a. A thlan awmna hi Bethlehem chhak lam 5 k.m ahlaah a ni a, a lai chhuaktute hi Archaelogist Netzer-a team te an ni.. Thlan hlui tak an hmuhchhuah zinga kailawn bula lungkuang 8 ft a sei an hai chhuak a, Heroda kha BC. 4 vel bawra thi a ni a, a thih hnu lawkah juda firfiakhote suasam pawh a tawk a ni. Kha tih laia Juda historian Josephur-a khan mita a hmuh leh hriat pawh chipchiar takin a lo ziak ve rêng a ni..

A dang sawi tur tam tak a awm awm e, heng thil an chhui leh hmuh atang hian Pathian ropuizia alang a, A thilsiam ramtuktin par a hmuh atang ngawt pawhin Lal ropui Solomona pawh a te vawng vawng a nih kha.. PATHIAN ROPUI KAN NEI HI A VAN LAWMAWM NGAI EM! Aw Bible Pathian thawkkhum chu...