A sawi nuam lai
leh pawm nuam lai ber mai hi heti zawng hian sawi ka duh a ni. Hla siamtu
chuan," Pathian hmangaihna ropuizia thu leh hlain a hril sênglo," a
ti a. A dik khawp mai mai a hmangaihna ropui chu i tan leh ka tan hian a hlu em
a tinni.. Mahse,, a hmangaihna hian tawpni ala nei dawn..
Tunlai hunah hian thilmak tak tak hmuh leh hriat tur a awm a,, chungte chuan kan hun hi eng nge a nih? a rawn hril tan ta a... Christianity pawh khawvel inlumlet chuan a rawn pawt dal ve tial tiala hairual a nilo.. Chuvang chuan alawm, "inkhawm mite, sakhaw mite engmah an nilo," anlo tih thin.. Khalam sawi ka tum lo a,, chu 'tunlaina' hri chuan Kristiante min ei nasat vang a ni.. Chuchuan eng nge a hrinchhuah? a nuam lam leh pawm nuam lam, Pa hmangaihna leh a khawngaihna ringawt mai leh kan tih ve tur awmlo ang hial khawp a zirtirna a tleh mek bawka,, chu mai a nilo, mihringte nun tawpah misualte tana hremna ngat phei chu pawmlo tak an ni a, sap ram kan ngaihsan em emah pawh heng zirtirna hian bu a khuar nasa hle a ni. Kan dinhmun hi ngaituahawm a ni tan ta..
Tunlaina nena Bible zir Higher Critics an tam ta a, chungte chuan thutak hrulah thu an veivir ta a, tichuan Mizoramah ngei pawh rawngbawltu tha takte pawhin Pathian thikthu chhia a nih leh, diktaka roreltu a nih leh thinur thei a nih lam chu kan dah tha ta a, a hmangaihna leh khawngaihna lam chu sawi a nuam zawk ngei alawm. Mahse,, a theihloh ni a la awm ang. HUMANISM chuan min kaihruai ta hlawm a, misualte chungah zahngaihna lan tir te, Dan anga hmalak mai awm kha a ni a (a ni vek ka tilo) chutiang ang chuan,, misualte kumkhua atana ngaihsak chu Pathian hmangaihna atanga thlir chuan an pawm thei ta lo a ni... A nihna takah chuan rorelna awmlo a, nuam taka awm a, hremna tuarloh chu a thlanawm ngei ang chu.. Universalism te pawh a rawn piang nghe nghe hi... Mahse,, Fair takin Pathianin ro ala rêl ang..
Pa Hmangaihna chu Hremhmun vang a ni kan tilo theilo ang.. Evi leh Adama bawhchhiatna avangin.. "Khawiah nge i awm tak? tih kan ni a,, lei taksa thihna leh thlaraua bo kan nihna a rawn kêng tel nghal bawk a,. "Mihring ka lo siam ta chu ka van inchhir em!" a ti a.. Chu ti khawpa misual chu Hremhmun lam kan pan a hlau a, minla koh lawm lawm zawk a nih hi! Chu zawk chu a ni Hmangaihna chu,, thu lar tak John 3:16-ah khan kan hmu a, a thu ka ziaklo mai.. 'Pathianin khawvel a hmangaih em em a," tih kha a ni.. Tichuan a Fapa chu Kan tan a rawn tir a, chu chauh chu kan damna a ni.. Amah hre duhlo, sawi pawh a ngaithla duhlo e.g Juda/Judaism te chu an chungah a thinurna a leihbaw fo a,, nakinah phei chuan an chung ala pik dawn mange,, 'I thu vêkin thiamloh a chantir ang che,' Pathian thu in a ti tlat a.
Keini ngei pawh kan tihsual chu min ngaidam thin a, mahse, kan tihsual luih leh ngat chuan min ngaidam reng lo ang.. Hremhmun a siam chhan hi pawm mai tur.. Misual hi chu suat thawl an ngai rêng a ni. Thih thenga a hnungzui tur kan ni a, a pawm nuam lam hi chu ringtuten kan ngeih vaklo,, "I harsatna chu eng pawh nise, amah pan la, kan hun hman hi a harsa tual tual dawn a, harsatna karah amah chu zui rawh," ti a infuihna chuan chakna min siam zawk a ni lawm ni? Chuti nilo a,, "Min hmangaiha, min chhandam em em ang," tih ngawt kha chu a pamhmai lua deuh e... A chunga zirtirna kan sawi Universalism ringtute chuan, 'Pathianin min hmangaiha misualte chu hremhmunah a dah ve tho ang a, mahse, a tawpah chhandamna an chang leh vek ang,' an ti a.. Ka sawi ngun tawh viau nain, ka'n sawi nawn thin a ni e.. Hengte hi a pawmawm a sin dik se chuan.. Mahse, Bible thudik hrula boralna lamtluang ni si a ni.. Engti nge kan Bible in a sawi? "Mite ngaiha kawng dik niawm tak alang atawp thina/boral nisi a awm," a tih kha a van dik em! Setana hian he thu hmang hian a ni lawm ni sang tam tak boralna kawng zawh tirin hremhmunah a um liam duak duak ni.. Chu kawngah chuan nang leh kei hi kan kal fo thin tih alang.. Setana thurûk hi Isua baka hrechiang an awmlo.. Fimkhurna thuchah min hrilh hi kan haider mai dawn em ni?
Heng Pathian thu frank tak tak te hian kan nun hi min khalhngil zawk se:
" Mi chunga khawngaihna neilo chu khawngaihna tel lovin rorêlsakin a awm ang; khawngaihna hi rorêlna aiin a chungnung zawk a ni"(Jakoba 2:13)
"Tin, ka hrilh a che u, miten thu lawilo an sawi apiang, chûng thu chu rorêl niah sawi fiah a la tul ang"(Mt 12:36)
"Zilhhau fo pawha a ring tikhawng tlat chu, vawilehkhatah tihtliahin a awm ang a, tihdamna a awm lo vang" (thuf 29:1)
"Nimahsela, ka mi fel chu Rinnain a nung ang; A hnungtawlh erawh chuan ka rilruin amahah lâwmna rêng ka nei lo vang" (Heb 10:38)
khingte atang khian alang chiang a,, Hmangaihna a khat Pathian a nih rual hian,, Misualte leh luhlulte zawng a dim vak lo vang..
Chu chu kan Pathian mizia leh a nihna pawh a ni.
No comments:
Post a Comment