Khawvel
chhandamtu hi a van tlawm ngai em!! Krawsa kan tan a tuarna /tlawmna ngawt hi a
la kim thei tlat lo.. Ka ngaihtuah ve mai mai a. Thlahtu bul lam kan en a ngai
ang.. Descendant & Sex hi a kawizawnga lak chuan nuizathlak tak tak a tam
mai... Kan nuih a za mai thin pawha entir a nei tlat tlawmna nun hi a entir
tlat a ni. Tlem han tarlang ila.
Genesis bung 38 chho kan en chuan Juda leh a Monu chanchin kan hmu a, Tamari chuan pasal a sun a, fa a neilo, a pasal a nau in a nei leh a fa a nei chuang lo a, Tamari chu a pa In lamah a haw ta a ni. Juda chu Timna khuaah a han kal a, kawng sirah Enaim kulh kawngkaah a monu Tamari chu a hmaih khuhin a lo intawktarh vel a ni. Juda lahin a monu a ni tih a hre der lova, a mutpui ta a ni.. He thil ngawt mai pawh hi thil tenawm tak, Mihur te pawh kan ti hial ang chu! Mahse, khalam a nilo. Bung 38: 14 laitak maiah hian . "Code lamahah chuan YESHUA (ISUA) a lo lang reng mai ni" a van mak zawk em! Isua thlahtute an ni tlat mai.
Chumai ala nilo Rahabi nawhchizuarte kha a mihring zawng chuan zahpuiawm tak kha a nia, mahse Isua thlahtu bul a lo pianna hnarkai tu te tho a ni. Davida te kha en leh ta ila, minu a Uire a, Uria nupui Bethsebi lakah mawilo takin fa a nei a, kha te kha Isua pianna atana bultumtu te an ni. A mak khawp mai. A nalh lo lam ka rawn tarlang nual a, a chhan chu a tlawmna bawk kha ka sawi tum a ni a, a mawilo lai zawng zawng pawh a phur si a ni. Genesis atang hian a rawn lang nghal der a ni.. Hrlihlawkna (Prophecy) kha a ni miau a.
Zawlnei Isaia ten min chhandamtu chu lo sawilawkin, pianphung mawina reng neilo mirethei tak ang khan an lo sawi lawk a.. "A ni chuan kan natnate a phurin, kan lungngaihnate pawh a phur ngei a, nimahsela, keini chuan lungngaihna tlakbuakah, Pathian vuakah, tihrettheihah kan ngai si a. Nimahsela a ni chu kan bawhchhiatte avangin hliamin a awm a, kan khawlohnate avangin vuak thitlinin a awm a; kan thlamuanna tura thununna chu a chungah a tla a, a vuakna vualte tihdamin kan awm ta." ( Isaia 53: 4,5) a lo ti hial a ni.. Zawlnei sawilâwk chu a rawn rap dik ta chat mai a ni.
Zawlneite lo sawilawk ang ngei chuan alo piang ta a, naute lainat awm chu a pian atang rengin thah tumin Lal Heroda chuan a zawng kha a ni a. Lei leh van Lal ber chan atan chuan a nâ a ni. A lo piang chu Khualbukah pawh lenglo chuan ran chawpekna thlengah alo pianga. A van tlawm em!! A lo lian deuh deuh a, thingrem siamtu chu Ka Pa tiin a koh ve lauh lauh ngei a rinawm... Palestina ram velah khuan a vakvai ta a ni.Chutah, " Sihal ten kua an nei a, chungleng Sava te pawhin bu annei, mihring fapa erawh hi chuan lunghahna hmun a neilo," a'n tirâih tur hmel hi ka mitthlaah a chama a, a lungchhiat thlak rum rum mai.. A ni pawh khan hlim takin nuisâng chuan a sawi lo a ni.. A hnuk te pawh a ulh ve hialin ka ring. Mahse, nang leh kei sual tlannan a thawk si a ni..
Thihna khawp engmah sual tilo chu, a chhia zawng zawng kan puh a, kan sual man bat tlatna ringawt hi a man a van tam dawn em! Hêkna sawichhiatna tinreng tuarin a nun a hlan si a.. " Mihringte anga lo piangin, bawih angah a insiama, amah leh amah a intitlâwm ta zawk a. Tin, mihring anga lo awmin a inngaitlâwm a, thi khawp hiala thu zawmin a lo awm ta a, krawsa thihna ngei chu."(Philippi 2: 4-8)
kan tan hian a van inseng ral em! Mihring ve bawk a ni a, lungngaihna nei thei ve tho a ni si.
Gethsemani-ah lungngaiin atawngtaia " thihna khawp hial a ni" a ti hiala, aw ka pa a theih chuan he no hian min pel lul rawh se' a nat dan tur chu ngaihruat thim mai chi pawh a nilo. " keima thu nilovin nangma thu ni zawk rawh se," a'n ti leh zel a, a va ropui em! (Mt 26:38) a thlan pawh thilsen liantak angin a far hial a, krawsah ngaihdamna a la tlângau pui a,"Ka PA an ni hi ngaidam rawh an thiltihsual an hrelo a ni," tiin min la dilsak a, a van ropui em!!! A tan tih ve tur kan nei ve em? Kan thu thu ni tawh rawh se...!!
A hnungzuia phusa ber Patera chuan a'n la phat zân mai bawk a.. A nâ thawkhat ang.
"Kalvari tlang saw thlir teh u, Thing anchhedawnga saw; Ka Lalpa an khai kâng a, hrehawmin a khat vel. "Ka Pa, ka Pa," tiin a au, "Engah nge min kalsan?" a ti. Kan tan sawti kauvin atuar a tan kan tuar ngam ang em?"
A tawp ber atan Pu R.L Kâmlala hla hian a tawp khar ila,,
" Aw min hrilh rawh thûkna ropui,
Ranthlêng leh thing ânchhe dawng leh
Vâna lallukhum a inzawm,
Lei Eden leh Salem thar nên..
RANTHLÊNG - KRAWS - LALLUKHUM
No comments:
Post a Comment