TAWPNA

TAWPNA

Hringnunah hian engnge pawimawh ber ang? He zawhna hi ka inzawt fo thin.. Kan ran vulhte emaw chu an thi a, kan ui em em a, an tâwp tawp mai a.... Thlarau an neilo laite hi kan zavaia chungah hian thleng ta se ka ti fo thin... A chang chuan rannung mai mai hi ni ila ka ti foa, a chhan chu an nun hman hi ka ngaituah a, sakeite pawh an sual hle maia, mihringte tan ngeiawm an tling thin chutiangin a dang te pawh.. Mahse, thlarau tho leh tur an neilo a, an nun kha midang hliam nan hmang char char mahse atâwpah an thi mai a an reh vang vang mai a ni... Ka'n tiduaha, mihringte nen kan inanlohna sawi ka tum vang a ni...mihringte chuan thlarau thi thei tawh ngailo tur kan nei tlat si a.. kan nun hman dan a zirin thlarau thiamloh changa awmtur leh chatuana hremna tuartur kan awm si a, a lungchhiatthlak rum rum zawk a ni... VANRAM ah kan kimlo tur tak hi a pawi tih piahlam a ni..

He leiah chuan fair heklo le, Sawrkar hnathawk lian takin a chhungkhat laina emaw, colony khat emaw chu a tihpui a, miin hna an zawn luih luih laiin hna tha ve tak a hmuhsak thei a,, kan chhungkhat laina te nen pawh kan inhmangaihin kan indâwmkâng thei a,, chhungkaw khat ngei pawh kan inhmangaih a, kan chaklohnaah kan inlainata, chhungkaw nuam a nithei mai a,, Mahse,, Lei taksa chauh thlir mai a tawk lovang,. A chunga sawi ang deuh khian tâwpna hmunah chuan tumah insawipui theih a ni dawnlo thung a, thil tithei ber ber paw'n engmah a tih theihloh ala thleng dawn. Nu in a ril arah a hmangaih em em chu Vanramah a chhawm vek kher dawnlo tih a chiang a,, thlarau khawvelah chuan leiah inhmangaih em em pawh kan inthen ngei dawn tih a chiang a, leia kan laina hnai tak tak kha nakinah chuan kan laina an nikherlo thei laitakte hi chhût fe tham a tling.. Hla siamtu in ,"Pakhat zela an kalbo in an kiam thin chhungkaw tinreng,, LUNGDUH zawng zawng CHATUAN HMUNAH kim lehnî a awm ang em? a ti a.. He hla siamtu pawh hian a ruh lang râwkin ala sawi ngamlo zawk a ni...

Tunlai khawvel hi a hmawr tawh a ni ang tih a rin theih a, A nihna takah chuan khawvel thil zawng zawng pawh khaikhin(compare) ta ila, Piangtharlo a thih aia rapthlak awmin ka hrelo.. "I thlarau tan fimkhur rawh," ti a inhrilh pawh a polite loh thlak tawh niin alang a,, tunlai kan theologian fing pui puite pawhin, Chatuana mihringte hremna tur 'Hremhmun Meidil' pawh an sawi dal zel a, 'Hremna' ti a sawi ringawt pawh a hawihhawm(polite) loh thlak an ti ta mai a,, Universalism, humanism huang chhung vek a ni tan ta a. Setana hna thawh vek a ni. A rapthlak hle a ni.. Bible in a sawi a," kawngdik niawm taka lang a tawp thihna/boralna a awm," a ti a.. Chu kawng chu kan zawh mek a, nitinin chatuan hmun panin khawvel mipuite kan liam ruih ruih mai a ni si a...

Kan nun dan hi ngaituah chian a tul Bible in a sawi angin, Tangka sum ngaina tu chuan sumah duhtawk a hmu lo a, neihbelh duhna hlirin kan khat a, ka sawisel a ni hranlo, Bible in a sawi erawh judge vak tulin ka hrelo... "Mit chu a thil hmuhah a tlai lo va, Beng pawhin a thil hriat a kham hek lo(Thuh 1:8) A ti a.... A dik hle a ni. Hla siamtu chuan, "Ka mithmuh leh benga ka hriatte hian sualah min hruai lût," a lo ti ve bawk a ni. Heng sumte hian Chatuan hremhmunah mi tam tak a hruailûk mêk a ni...

A pawimawh ta chu, TÂWPNA hun hian kan nungphung a luah tlat chuan, chuchuan fimkhurna tur kan nei tih min hriattir a nga. PATHIAN in a Fapa mal neihchhuan kan tana a tirh a chu Thlarau Thianghlimin min hriattir dawn a ni. Kan sual ziate min hrilh a nga, tun hun hman hi a pawimawhzia chu fiah takin min hriattir dawn a ni. Fak tlak Trinity chu aw!

A tawp khar nan ka'n belh leh lawk, Misual thi tur kraws lera an khaikân thi mai tur khan Chhandamna a changa, a ropui hle a ni. Keini chu kan hun tha neih lai ngei hian Thlarau Thianghlim chuan min sawm a,, sawmna hnartu kan nih vaih chuan chance- tha hi kan nei kheilo thei a, Tun hun kan hman mek hian, leiah pawh a rah mintêl tirtu a ni a. Chatuan thleng pawhin a ni... Kan nunah thu engmah kan nei silo a, thi thut thei kan ni. HREMHMUN hi misual ber tlâkna atana ka hmun awhloh ber mai a ni.. Chuvangin He hmun kallo turin Isua Krista khan vawi tam tak min chah a ni.... Chu chu i pawm ila, TÂWPNA chu tuna kan hun hman mek mêk hi a ni.. Thut thil a nih avangin, I inpeih ve em le?? Rorelna thutphah hmaah chuan tumah kan insawisak thei tawh dawn silo a, a fair- hle dawn si a... 'Nang chu ka hre lo che," min ti mai ang tih a hlauhawm hle a ni...