THAWHLEHNA NI ROPUI CHU

THAWHLEHNA NI ROPUI CHU

He Isua thawhlehna hi eng ang taka Kristiante tana pawimawh nge ni ang? A hmasain Thuthlung hlui atang hian a fiah hle a. Mitthite thlarau kalna chu Judate ngaihdanah chuan Lei hnuai a ni. Isua ngei pawh a thih veleh a thlarau lei hnuaiah a chhuk thu kan hmu, kan la sawi zel ang.

Seol hi a lang tam hle a Hebrai tawng a ni. Hades nen a thuhmuna Greek tawng ve thung a ni. Mitthite thlarau awmna hmun a ni a, Hremhmun sawi nan a tam zawkah a hmanga, seol chu pindan hrang a ni tih alang bawk. Sam ziaktuin 'Ka thlarau Seolah i hnutchhiah dawn si lo va,' (Sam 16:10) a ti a. Davida vêkin 'Seolah mutna siam ila, ngaiteh chutah chuan i awm bawk si a' a ti leh a.. An thlarau awmkhawmna hmun chu a ni. Mi hausa leh Lazara chungchangah a fiah hle a 'Abrahama angchhung' Upper seol an ti a, Abraham's Bosom' an ti bawk a. Ringtu thiamchanga thite thlarau awmna hmun a ni a. Pindan Pakhat a ni a, a chungnung zawkah a awm. Tichuan, thlarau chhandam loh ho awmna Hremhmun chu Mihausapa Hremna tuara a awmna hmun chu a ni. Seol hnuaihnung 'Lower seol a ni' thinurna meipui awmna a ni. (Deut 32:22) ah leh (Sam 86:13) a chiang a, Bible chang Rifer tur atam lutuk a, kha tê chauh kha ni mai rawh se.
Isua krista khan a thih hma daih khan alo sawi lawk bawk a,'Jona nithum leh zan thum nghapui kawchhungah a awm khan, mihring fapa hi ni thum leh zan thumbawk lei kawchhungah a awm bawk dawn a ni'(Mt 12:41) alo ti lawk a, hei hi mitthi awmna leìhnuai a mi Abraham's Bosom/ Upper seol ngei chu a ni a, Chu ngei chu Paradis an tih kha a ni. Hetah Paula'n Ephesi khua a mite hnenah a lo sawi leh a, "Ti chuan a han chho tih hi, lei hmun hnuai berahte a lo chhuk zet loh chuan engti nge ni ang le?' (Eph 4:9) a ti leh bawk a, Mitthi khuaa'n a zuk kal a (Descent into Hades) "Tichuang, chûng chu a lo hriat lawk reng avangin, Krista thawhleh tur thu a sawi a ni, 'Mithi khuaa hnutchhiahin a awm heklo, a ruang pawh a tawih hek lo tiin,' (Tirh 2:31) a lo sawi leh bawk a, Aposte Creed ah kan hmuh kha, "Mitthi khuaan a zuk kal a, nithum niah mitth zing ata alo tho leh a. Vanah a lawn chho leh a, Mithi leh minung rorelsak turin a rawn chhuk leh ang," (K.H.B 551) an lo tibawk a.

Tichuan Isua a thiha a zuk luh khan kha Paradise ah khan a zuk tlangau ta a ni, tlanna ropui chu (1 Pet 3:19). ISUA a thih khan thil mak athlenga, kan hre vek a, lirte a nghinga mithianghlim muhilte pawh kaihthawhin an awm a, a rawn tho ta a, thlan ata lo chhuakin khawthianghlimah an lut ta a (Mt 27:52,53) hei tak mai hi Seol Pindan chungnung upper seol chu Vanah lakchho a ni ta a.. Kha pindan kha lei chhungah a awm tawhloa, Vanah awm ta a ni chu Paradis chu chawlhlailawkna nilovin Vanram chu a ni mai.. Apostol creed khan a nemnghet a, tichuan, mitthi chu an thih veleh Hremhmun or Vanramah an kal ta a ni. He rifer atang hian alang bawk (Tirh 7:56-60) leh (Phil 1:21-23) mi hausa leh lazara atangin alang vek bawk (Luk 16:19-31) Soul Sleep, purgatory, limbo chu a hnawl vek a ni.. Ka post tawh, "THLARAU KHAWVEL," tihah khan chipchiar takin ka sawi tawh bawk.

Ka sawi ta vaka, a thihna leh thawhlehna ropuizia alang chiang bawk si a... Rawn tho leh lo ta se, kan thlarau chu Lalhmaah a ding hauh dawnlo a ni. Kan vanduai hle bawk ang. Thawhlehna a awmlo titu Saddukai te ngaihdan chu he thihna leh thawhlehna hian a paihthla hmak bawk a, Paula'n a rawn sawi ta vak a, "Krista kha kaihthawhin a awm siloh chuan kan thuhril hi engmahlo mai a ni ang," a tithlawt mai a.. Mitthite kaihtawhin awm loh chuan Krista pawh chu kaithawhin a awmlovang.. Nimahsela, Krista chu mitthi zing ata kaithawhin a awm tak zet a, muhilte thawh hmahruaitu alo ni ta a.(1 kor 15:12-20). A van ropui em! Tawih theia tuhin a awm a, tawih thei lova kaihthawhin a awm...

Kristiante tan a van thlamuanthlak em! Khawvelah kan thenrualte leh kan hmangaih kalta te pawh chu cu THAWHLEHNA NIROPUI TAKAH CHUAN an la tho leh vek dawn a, Kan lo thi hman ta nih pawhin kan hmangaih kal ta te chuan van kawtthlerah khian min nghak reng a, engtikniah emaw chuan kan la inhmu leh vek dawn si a.

Kha Isua THAWHLEHNA NIROPUI kha hmanah khan alo thleng tawh a, Kan hmabak Thawhlehn niropui hi a van rapthlak dawn em! Mitthite chu Lalthutthleng var hmaah a lian atein an la ding dawn a. Tuifinriat chuan a chhunga mi a rawn um chhuak a nga, seol a hremna tuar zawng zawng pawh an rawn chhuak anga, mitin an thiltih ang zela relsak tur a ni.. Pa in a nupui a hmangaih em em pawh hmangaihna avangin sawifel sak theih a ni tawh lo'ng. Misual chu hrem an ni dawn si a.. Chung mite nghaisakna meikhu bhu chatuanin a chho vang a, chhun leh zan chawlh rêng an nei lo vang.. Thihna leh Mitthi khua chu Meidilah paih an ni ang. (Thup 20:11-14;thup 14:11)

Unau duhtak chu THAWHLEHNA NIROPUIAH CHUAN eng nge kan sawi ve tak ang?? He Isua thawhlehna hian kan nunah rahchhuak rawh se..
"Mipui sang tamtak tahna nen hremhmun an her liam ang. Mifelte chu an Pa ramah ni angin an êng ang."