TROJAN HORSE (Religious pluralism)

TROJAN HORSE (Religious pluralism)

Hmasang Greek mythology- an thawnthu chhuinaah chuan he thil hi sawi hmaih chi a ni ngailo a, trojan hi Greek tawng a ni a,'pawn lam him pial si, chhung lam him silo,' ti ta ila a fiah awm e..

TROY tih film kha kan en vek tawh anga, a changtu pa kha, kan ngaihsan em em American Actor, Hollywood star Brad pitt-a a nih nghe nghe kha, Rome sipaiah tangin an hmelma Greece(Greek) an va bei a nih kha, Greek khu khawvela Philosophy asang ber an ni ve hrim hrim a.. Vawikhat chu Rome ho khan ruahmanna felfai tak an siam ta a. TROJAN HORSE an tia, Milim (Statue) a ni ber ang chu Sakawr lim lianpui mai, mi naran IN tial vel zet kha an siam a, a mawi dang dai hle mai a, a rinawmin pawn lam atanga en mai khan chuan ropui tak tur a ni. Sakhaw mumal neilo tana biak tham lawih a ropui a nih chu.. A chhungah khan Rome sipai tam tawk raldo tur an inkhung nghek mai kha a nia, kha film-ah pawh khan Brad Pitt-a pawh a tel ve nghe nghe kha..

Tichuan, zankhat thilthu-ah Greece ho bei turin an chhuak a, an kulh ropui tak mai kawtlaiah kha Sakawr lim ropui tak mai kha an hung ta rup mai a. Sipai tam tak chu an khawpui lamah raldo tura in peih at khan an awm ta a .. A tuk zinga Greece ho chuan an va hmu a, an bêlchianga malsawmna ningeiin an hria a, an kulh ropui chhungah an la lut a, Kha (Greek) lal ram khan, jubilee lawmtur niawm fahranin nunau zawng zawng nen an lawm mup mup a, ruaite an theh ta vel a, mahse, a pawi tih piahlam a ni. Pawi tur a ni tih hre heklo le.. An mut reh lai takin kha 'Trojan Horse' chhung atang khan sipai namenlo an rawn chhuaka, kulh an suamsam ta, mei an dêt a, pawn lam atangin sipai an rawn luhbelh chiam bwk a, nunau naupang pawi sawilo thleng khan an that chimit ta vek a, rapthlak tak a ni. Greek Lal ram chu a tlu chhe ta.. Trojan horse awmzia chu a fiah in ka ring..

Le, Kohhran pawh a ropui bûng bûng a, pawn lam atangin, biakin ropui tak tak te khawtin maiah kan hun fer fur a, a chhunga chengte hi enge kan nih ang le??

A zau zawkin, Tunlai Thil awmzia hi ngaihtuah chian a tul ta, Kristian lote chu sawi ta lo ila, Kristian ni ngeite hi! Khawthlang liberal theology rapthlak zia kan hria a, kan hre vek bwk lo va.. Tunlai hun hmawr tawha Zirtirna himdamlo te hi, 'Trojan horse' ang chiah kha a ni ta.. WCC te pawh hi, kan sawimawi fu a, Isua Zirtirna nen a inmil chiah emaw chu le, a tira an thurin kha a ropui tehlul nen, khang an thurin hmasa te kha chu hla tawh veng veng tak a ni. Rapthlak tak a ni.. Tunlai Thurin Bible zirtirna kalh si lai tak mai hi, pawm a nuam ropui mai si a.

He inzawmkhawm ropui taka kal bûng bûng site hi, a chhung erawh a himdam mawlhlo. WCC hi religious pluralism, a ni a, sawi mawi chi pawh a nilo. Sakhua zawng zawng chu chhandam an ni dawn tihna a ni a, A rawng bawla, a sur a sa hnuai lo thawk tawh chhandam kan nih rual khan, Hindu, Bhuddist, muslim etc. Chhandam an ni ang maw?? A ni theilo. Universalism thurin pawh an kal pui mup mup a, Liberal theology a ni a, Pathian a leng tawhlo hrim hrim, Piangthar lova, kan thih chuan, Hremhmunah Kan awm hmasa a nga, a hnuah Chhandam kan ni ang an ti a.. A nihna takah chuan Theologian ropui William Barclay-a te meuh pawh, Bible Commentary siamtu a ni a. Kan ngaisanga, ngaihsan tlak pawh a ni.. A hunlai chuan.. Tun thleng pawhin a commentary chu Kan sunday school zirlai bu siamtuten an rawn ber a la ni fan a. Mahse, a tawpna chhiat zia hi, kha leh chen Lalpa tana hnathawk si kha, a hriatna kha Setana khan a neihsak der mai a, a thih dawnah meuh chuan, "Mi zawng zawng chhandam kan ni." tiin Pathian hmangaihnaah a senglut ta vek a ni. Universalism thurin darh chak zia hi chu aw, mi zawng zawng chhandam kan ni dawn em ni? Liberal in a rawn ken a ni si chuan, Mizo tan phei chuan pawmawm tak a ni. Dik se zawng, ka hming leh Adress ka pe ve ngei ang.. Mahse, Setana bumna mai a ni.. Interfaith Dialogue an ti leh a, Inbiak tawnna a kawk ta ber mai a.. Christian leh Sakhawdang inbiakrem tumna a ni.. He rifer atang hian Bible a kalh tlat a ni. A thu ka ziak ta lo mai (Rom 16:17,18; 2 Tim 2:16-18 ; 3:5 : Tita 3: 10-11) Ringtu a siam kan tuma, chanchin tha kan zuk hrilh na lam kha a kawklo.. An sawi tum chu chhandamna huang khat a ni.

Heng karah hian, hun hnuhnung a thilthlengtur Biblein a sawi hi dahthat chi a ni dawn em ni? Hurna, same sex, Raman cotholic leh Wcc hi inlungrual fahranin an kalpui ta.. Thupuan 17&18 chho a, hmeichhia a sawi hi tunge ni ang? Sakawlh tribulation hunah rawn thleng tur Papal System zing a mi a ni ve silo a..

He hmeichhia tenawmna nu hi SUPER CHURCH a sawi kha a ni ka ti lo. Mahse, a ni lo vang tih tuman an sawi theilo , Sakhaw Suak sawina kha a ni tlat mai si a.. He TROJAN HORSE ang hi a ni thei si a.. Hmakhua a êng vaklo.. Fimkhur ang a van tul em!