Gospel truth..
&.. Funny
1. Paula aia hria awm lo: Mizoram buai lai khan grouping Centre-ah Kohhran Upa pakhat hian thu a sawi dawn a, Pathianni chhun a ni a, khua lah chu a lum hle mai a, chairman-in thusawitu chu a sawm ta a. Rom 12 pumpui a chhiar a, 'Paula aia hria tumah kan awmlo. Pathianin a thu malsawm rawh se,' a ti ta mai a, an bang ta der a. a sawi hlang tha khawp mai.
2. Chairman kawr ha lo : Tun hma deuh kha chuan inkhawm hruaituin thuhrilna leh inkawm hun zawng zawng a keng vek mai thin kha a nia, Vawikhat chu kawr ha lovin Chairman a inkhawm a. Inkhawm banah chuan, 'Engati nge kawr hlipa i inkhawm mai le?' an ti a. A ni chuan, 'Khua a lum em alawm. Nupui zawnga zeng pawh ka nih hek loh, han insiam mawi tehchiam a ngai em ni ka ti mai,' a ti ta mai a!
(source: Bawktlang kohhran chanchin)
3. Khuang thum khan: Pitar lam atangin hla an rawn thlang a, zai hruaituten khuang hniha sak tur a ni em tih an zawt a. Khuang hnih tur tia an chhanna chu zai hruaitute'n an hre silo a, "Khuang hnihin maw?" tiin ring deuh hlekin an zawt leh a. Upa Dinga'n a lo ngaithei ta lo va, Aw, aw, aw, 'Khuang thum kha," a lo ti ta hmiah mai a. Khuang hnihin an sa ta a, an hlim hle a ni.
4. Pu Saichhunga tawngtai dan: " Aw Lalpa, Lenchîma kan awm laia pu Tâma ina i lo thleng zet kha chuh! Kha, a inchhungah pawh vailenhlo a par ir iar kha. Vawkzawna khawchhiar pa ina i lo thleng leh zet kha chuh! A kaiten pawh a tlakawlh rim rem kha, Nang hi zawngin hmun tlawm leh hnuaihnung i chuh a, Aw Isu, naute, nang hi zawngin a hîng lai te te a nia i duh ni," tiin Krismas lenkhawmnaah a tawngtai a.
5. Tirkoh thahnemngai: Pu Taichhûma hi thahnemngai thei tak, thusawi uar thei tak a ni a, a thusawi nasat lutuk avangin a damlo va, Durtlangah Pi puii a inentir a, "Thu i sawi nasa lutuk a nih hi uar lo deuh tawh rawh a," a ti a. Damdawi in atanga a chhuak chuan a aia nasain a bei a, a uar lutuk chuan "LURUK, KEH RAWH' 'TAKSA, CHHE RAWH' tiin a ke pawh vawi thum a vawr a. Vawikhat pawh tih duhdahna eng eng emaw awm thin khan a thin a tirim ta deuh a ni ang, Pulpit-a a thusawinaah "Van tiauphova Setana ril kan khei hunah chuan ka va che nasa dawn êm!" a ti e an ti.
(source: khawbung kohhran chanchin)
6. Tawngtaina dangdai.. Pastor chawna'n Upa Chawithianga (Thosilaia) a tawngtaina: "BOSARA, kawngkhar bula ding chu a eng a thâwl e. Hermon tlânga ruah phingphisiau chuan a rawn nan harh ta che a nih hi. I hmaah hian thuthlung hriat dik theihna a lo thleng dawn e. A dum leh a var anga hriat dik theihna. Rinloha mi an kal zung zung a nga, Fâr Bâwk atangin i thlir thin dawn a nih hi. En teh,, sâwta kawng sira puan lukhûpa thu saw tu nge ni? Saw saw a ni- rin lohna mia chu; zawlneite'n a hnena chaw an fâk duh lohva puan lukhûpa an tlan pelh thin chu; nang pawhin tlanpel ve thin ang che. Enteh, sâwta thing sasaw hnuaia diar buk khima thu saw tu nge ni? Thing sasaw hnuaia ruah phingphisiau chuan a rawn nan harh ta a nih saw. Zion tlangval inring rengin awm rawh. A hnung lamah man theih hauh loh, a chal samah man man chat ang che. Hei hi a ni. Tedikel chhûmpui hnuaia Krista aia hmangaihna palai lo kal chu. Zion tlangval, i puan in kilhna a nghet hle; a paldai a rawp deuh. Ngun takin en la, vêl chhuak rawh. Chuta Chinghnd koham zuan luhtira a tlân chhuak lam mawngtam hmu chu an vaiduai thlawt e!" dangdai ve tak a ni.
7. Zai hruai thiam: Suangpuilawn nu pakhat dangâwk hian hla thlan a duh ve a, midangin an thlan khalh thin avangin hunawlah a rawn ding chhuak ta hlawl mai a, a hla hlan duh a theihnghilh leh ta si a, zai hruaituten tlar khat tal an hria em tih an zawt a, a hre tawh bwk silo. Eng lam hawi nge? An han ti leh a, A ngawi ta vang vang a mipuiin zai an châng tawh si, "Min ti deuh la, kei pawhin ka'n ti ve deuh ang che, tih lam a ni," a ti ta a. Zai hruaitu chuan, "Sual sipai râl nen ni tin kan indo thin," tih hla kha a han la ta mai a.. A sa ta vat mai a. "Kan zai hruaitu chu an van thiam tak em!" an ti a.
8. Ui pui vua(hei hi kan kohhran Upa ka hriat chian ve thung): Biakinah chuan kan Upa in khuang a pu a, mipui leh Upa ho rual pawh an lâm a,, Pâwn lam atangin Ui pui chu a rawn tlan lut a, khuangpu hmaah chuan a rawn ding a, kan khuangpu chuan chu Ui pui chu a'n vaw ta hrama, rinai takin a keleuh ringa, khuang ri a bahlah tawh bwk nen, lâm ho pawh an nui the thaw a.. Zai a kal tawh vaklo.
9. Hla hril sual, sual leh lo: An inkhawmnaah Kristian Hla Bu no 356-na, 'Lalpa chanchin tha puangtute' tih hla an sa a, Upa C.L Thansanga'n ring takin hla a hril a, a chang 3-na "an tlantu thutiam an hre reng' tih turah, "An tlantu thuthiam an hrelo... Sorry an hre reng," a ti a. A hrechhuak hma hlauha an sa buai ta lo a..
A dang pawh sawi tur tam tak a awm. Khing ho khi a tak taka thil thleng a ni e, in hriat kha rawn sawi ve ula, a bengvarthlak ngawt ang ka tan pawh... An huaisennate entawn ila..
Ka thu lakna(Source) thenkhat : KRISTIAN TLANGAU ISSUE & SOUVENIR & SL & PB & OTHER BOOKS
1. Paula aia hria awm lo: Mizoram buai lai khan grouping Centre-ah Kohhran Upa pakhat hian thu a sawi dawn a, Pathianni chhun a ni a, khua lah chu a lum hle mai a, chairman-in thusawitu chu a sawm ta a. Rom 12 pumpui a chhiar a, 'Paula aia hria tumah kan awmlo. Pathianin a thu malsawm rawh se,' a ti ta mai a, an bang ta der a. a sawi hlang tha khawp mai.
2. Chairman kawr ha lo : Tun hma deuh kha chuan inkhawm hruaituin thuhrilna leh inkawm hun zawng zawng a keng vek mai thin kha a nia, Vawikhat chu kawr ha lovin Chairman a inkhawm a. Inkhawm banah chuan, 'Engati nge kawr hlipa i inkhawm mai le?' an ti a. A ni chuan, 'Khua a lum em alawm. Nupui zawnga zeng pawh ka nih hek loh, han insiam mawi tehchiam a ngai em ni ka ti mai,' a ti ta mai a!
(source: Bawktlang kohhran chanchin)
3. Khuang thum khan: Pitar lam atangin hla an rawn thlang a, zai hruaituten khuang hniha sak tur a ni em tih an zawt a. Khuang hnih tur tia an chhanna chu zai hruaitute'n an hre silo a, "Khuang hnihin maw?" tiin ring deuh hlekin an zawt leh a. Upa Dinga'n a lo ngaithei ta lo va, Aw, aw, aw, 'Khuang thum kha," a lo ti ta hmiah mai a. Khuang hnihin an sa ta a, an hlim hle a ni.
4. Pu Saichhunga tawngtai dan: " Aw Lalpa, Lenchîma kan awm laia pu Tâma ina i lo thleng zet kha chuh! Kha, a inchhungah pawh vailenhlo a par ir iar kha. Vawkzawna khawchhiar pa ina i lo thleng leh zet kha chuh! A kaiten pawh a tlakawlh rim rem kha, Nang hi zawngin hmun tlawm leh hnuaihnung i chuh a, Aw Isu, naute, nang hi zawngin a hîng lai te te a nia i duh ni," tiin Krismas lenkhawmnaah a tawngtai a.
5. Tirkoh thahnemngai: Pu Taichhûma hi thahnemngai thei tak, thusawi uar thei tak a ni a, a thusawi nasat lutuk avangin a damlo va, Durtlangah Pi puii a inentir a, "Thu i sawi nasa lutuk a nih hi uar lo deuh tawh rawh a," a ti a. Damdawi in atanga a chhuak chuan a aia nasain a bei a, a uar lutuk chuan "LURUK, KEH RAWH' 'TAKSA, CHHE RAWH' tiin a ke pawh vawi thum a vawr a. Vawikhat pawh tih duhdahna eng eng emaw awm thin khan a thin a tirim ta deuh a ni ang, Pulpit-a a thusawinaah "Van tiauphova Setana ril kan khei hunah chuan ka va che nasa dawn êm!" a ti e an ti.
(source: khawbung kohhran chanchin)
6. Tawngtaina dangdai.. Pastor chawna'n Upa Chawithianga (Thosilaia) a tawngtaina: "BOSARA, kawngkhar bula ding chu a eng a thâwl e. Hermon tlânga ruah phingphisiau chuan a rawn nan harh ta che a nih hi. I hmaah hian thuthlung hriat dik theihna a lo thleng dawn e. A dum leh a var anga hriat dik theihna. Rinloha mi an kal zung zung a nga, Fâr Bâwk atangin i thlir thin dawn a nih hi. En teh,, sâwta kawng sira puan lukhûpa thu saw tu nge ni? Saw saw a ni- rin lohna mia chu; zawlneite'n a hnena chaw an fâk duh lohva puan lukhûpa an tlan pelh thin chu; nang pawhin tlanpel ve thin ang che. Enteh, sâwta thing sasaw hnuaia diar buk khima thu saw tu nge ni? Thing sasaw hnuaia ruah phingphisiau chuan a rawn nan harh ta a nih saw. Zion tlangval inring rengin awm rawh. A hnung lamah man theih hauh loh, a chal samah man man chat ang che. Hei hi a ni. Tedikel chhûmpui hnuaia Krista aia hmangaihna palai lo kal chu. Zion tlangval, i puan in kilhna a nghet hle; a paldai a rawp deuh. Ngun takin en la, vêl chhuak rawh. Chuta Chinghnd koham zuan luhtira a tlân chhuak lam mawngtam hmu chu an vaiduai thlawt e!" dangdai ve tak a ni.
7. Zai hruai thiam: Suangpuilawn nu pakhat dangâwk hian hla thlan a duh ve a, midangin an thlan khalh thin avangin hunawlah a rawn ding chhuak ta hlawl mai a, a hla hlan duh a theihnghilh leh ta si a, zai hruaituten tlar khat tal an hria em tih an zawt a, a hre tawh bwk silo. Eng lam hawi nge? An han ti leh a, A ngawi ta vang vang a mipuiin zai an châng tawh si, "Min ti deuh la, kei pawhin ka'n ti ve deuh ang che, tih lam a ni," a ti ta a. Zai hruaitu chuan, "Sual sipai râl nen ni tin kan indo thin," tih hla kha a han la ta mai a.. A sa ta vat mai a. "Kan zai hruaitu chu an van thiam tak em!" an ti a.
8. Ui pui vua(hei hi kan kohhran Upa ka hriat chian ve thung): Biakinah chuan kan Upa in khuang a pu a, mipui leh Upa ho rual pawh an lâm a,, Pâwn lam atangin Ui pui chu a rawn tlan lut a, khuangpu hmaah chuan a rawn ding a, kan khuangpu chuan chu Ui pui chu a'n vaw ta hrama, rinai takin a keleuh ringa, khuang ri a bahlah tawh bwk nen, lâm ho pawh an nui the thaw a.. Zai a kal tawh vaklo.
9. Hla hril sual, sual leh lo: An inkhawmnaah Kristian Hla Bu no 356-na, 'Lalpa chanchin tha puangtute' tih hla an sa a, Upa C.L Thansanga'n ring takin hla a hril a, a chang 3-na "an tlantu thutiam an hre reng' tih turah, "An tlantu thuthiam an hrelo... Sorry an hre reng," a ti a. A hrechhuak hma hlauha an sa buai ta lo a..
A dang pawh sawi tur tam tak a awm. Khing ho khi a tak taka thil thleng a ni e, in hriat kha rawn sawi ve ula, a bengvarthlak ngawt ang ka tan pawh... An huaisennate entawn ila..
Ka thu lakna(Source) thenkhat : KRISTIAN TLANGAU ISSUE & SOUVENIR & SL & PB & OTHER BOOKS
No comments:
Post a Comment